पालघर: केंद्रीय गृह विभागाच्या मार्गदर्शक सूचनानुसार बोईसर येथे ७ मे दुपारी ४ वाजता ऑपरेशन अभ्यास मॉक ड्रिल
केंद्रीय गृह विभागाच्या मार्गदर्शक सूचनानुसार आपातकालीन सज्जतेसाठी ऑपरेशन अभ्यास मॉक ड्रिल पालघर जिल्ह्यातील बोईसर येथे 7 मे दुपारी 4 वाजता आयोजित करण्यात आले आहे. बोईसर शहरातील विजय कॉलनी हनुमान मंदिर टॅप्स कॉलनी गेट समोर नागरी संरक्षण दलाचे सायरन बसवण्यात आले आहे. शासनाकडून सूचना प्राप्त होताच 4 वाजता सायरन वाजवून नागरिकांना धोक्याचा इशारा देण्यात येईल. मॉक ड्रिल आपात्कालीन सज्जता पूर्वतयारीसाठी असल्याने नागरिकांनी घाबरून जाऊ नये अफवांवर विश्वास ठेवू नये असे आवाहन करण्यात आले.