लातूर,: जिद्द, चिकाटीच्या जोरावर आपल्या दिव्यांगत्वावर मात करून क्रीडा स्पर्धेत सहभाग घेणारे खेळाडू कौतुकास पात्र आहेत. आपल्या समोर असलेले अडथळे पार करीत या स्पर्धेत सहभागी झालेला प्रत्येक दिव्यांग खेळाडू हा विजेता स्पर्धक आहे, असे प्रतिपादन जिल्हा पोलीस अधीक्षक अमोल तांबे यांनी केले. पोलीस मुख्यालय मैदान येथे आयोजित दिव्यांग मुला-मुलींच्या जिल्हास्तरीय क्रीडा स्पर्धेच्या उद्घाटनप्रसंगी ते बोलत होते.