प्रतिबंधक लस : १४ मुलींचे यशस्वी लसीकरण मोरवाहीत एचपीव्ही लसीकरण
479 views | Gondiya, Gondia | May 12, 2026 गर्भाशयाच्या मुखाचा कर्करोग रोखण्यासाठी राबविण्यात येत असलेल्या एचपीव्ही लसीकरण मोहिमेअंतर्गत, मोरवाही प्राथमिक आरोग्य केंद्र येथे शनिवारी यशस्वीरीत्या लसीकरण करण्यात आले. ही लसीकरण मोहीम मुख्य कार्यकारी अधिकारी एम. मुरुगानंथम आणि जिल्हा आरोग्य अधिकारी डॉ. अभिजीत गोल्हार यांच्या मार्गदर्शनाखाली राबविण्यात येत आहे. ग्रामीण भागातील मुलींचे आरोग्य सुरक्षित ठेवण्याच्या उद्देशाने या मोहिमेवर विशेष भर दिला जात आहे. प्राथमिक आरोग्य केंद्र मोरवाही येथे आजच्या सत्रात एकूण १४ लाभार्थ्यांना एचपीव्ही प्रतिबंधक लस टोचण्यात आली. मोरवाही केंद्रांतर्गत आतापर्यंत एकूण ३४ लाभार्थ्यांचे लसीकरण पूर्ण झाले आहे