म्हैसगाव–राहुरी रस्त्यावर मेहसगावच्या घाटात खडी वाहतूक करणाऱ्या डंपरने पेट घेतल्याच्या घटनेने एकच धावपळ उडाली.मात्र यामध्ये कोणतीही जीवितहानी झाली नाही; परंतु डंपरचा केबिनचा भाग पूर्णपणे जळून गेला.म्हैसगाव येथून खाजगी क्षेत्रातील टेकडीचे उत्खनन करून खडी भरून दहा चाकी डंपर राहुरीच्या दिशेने जात होता. खडीच्या अवजड लोडामुळे घर्षण होऊन किंवा वायरिंगच्या शॉर्ट सर्किटमुळे ही आग लागल्याची शक्यता आहे.