दिल्लीत पत्रकार शाहीन खान यांना कथित मारहाण! पत्रकार संघटनांची चौकशीची मागणी
दिल्लीत पत्रकार शाहीन खान आणि त्यांच्या सहकारी नफिसा खान यांच्यासोबत कथित मारहाणीच्या प्रकरणावर पत्रकार संघटनांनी चिंता व्यक्त केली आहे.
प्रेस क्लब ऑफ इंडिया, इंडियन विमेन्स प्रेस कॉर्प्स, दिल्ली युनियन ऑफ जर्नालिस्ट्स, प्रेस असोसिएशन आणि केरळ युनियन ऑफ वर्किंग जर्नालिस्ट्स यांनी या प्रकरणाची निष्पक्ष चौकशी करून दोषी पोलिसांवर कारवाई करण्याची मागणी केली आहे.
दरम्यान, दिल्ली पोलिसांनी पत्रकारांच्या आरोपांना वस्तुस्थितीला धरून नसलेले आणि दिशाभूल करणारे असल्याचे सांगत फेटाळून लावले आहेत.
पोलिसांच्या म्हणण्यानुसार, दोन्ही महिलांनी आपली स्कूटर व्हीव्हीआयपी मार्गाजवळ उभी केली होती. वारंवार सांगूनही स्कूटर हटवण्यात आली नाही. त्यानंतर सुरक्षेच्या कारणास्तव त्यांना पोलीस ठाण्यात नेण्यात आल्याचे दिल्ली पोलिसांनी स्पष्ट केले आहे.
#ShaheenKhan #NafisaKhan #DelhiPolice #DelhiNews #Journalist #JournalistAttack #PressClubOfIndia #DelhiUnionOfJournalists #PressFreedom #MediaFreedom #RekhaGupta #SaketPoliceStation #4PMNewsNetwork #BreakingNews #MarathiNews #शाहीनखान #नफिसाखान
