આણંદમાં ACBનો ટ્રેપ: મહિલા ASI અને હેડ કોન્સ્ટેબલ લાંચ લેતા ઝડપાયા આણંદ મહિલા પોલીસ સ્ટેશનમાં ફરજ બજાવતા મહિલા ASI ગીતાબેન કમજીભાઈ દોઠા અને મહિલા હેડ કોન્સ્ટેબલ પુષ્પાબેન રણજીતસિંહ ગરાસીયા લાંચ લેતા ઝડપાયા છે. મળતી માહિતી મુજબ, ફરિયાદીના પુત્રવધુએ પરિવારના સભ્યો વિરુદ્ધ કરેલી અરજીના મામલે હેરાનગતિ નહીં કરવા તેમજ ફરિયાદીના પુત્રનો પાસપોર્ટ જમા નહીં લેવાની અવેજીમાં બંને મહિલા પોલીસ કર્મચારીઓએ ₹1.10 લાખની લાંચની માંગણી કરી હતી. આ મામલે ફરિયાદ મળતા આણંદ ACBએ ટ્રેપ ગોઠવી બંનેને લાંચની રકમ સ્વીકારતા રંગેહાથ ઝડપી પાડી ધરપકડ કરી છે. ઘટનાને પગલે પોલીસ વિભાગમાં ખળભળાટ મચી ગયો છે. #anand #acbraid #GujaratNews #breakingnew #corruptioncase