સુપ્રીમ કોર્ટમાં આજે એક નાટકીય ઘટના સામે આવી છે. પોતાનો કેસ જાતે લડી રહેલા અરજદાર પ્રબલ પ્રતાપે FIR નોંધાવવાનો આદેશ આપવાની માંગણી કરી હતી. સુનાવણી દરમિયાન વાતાવરણ અચાનક તંગ બની ગયું. સુનાવણી દરમિયાન બેન્ચે સ્પષ્ટ કર્યું કે સુપ્રીમ કોર્ટ સીધો FIR નોંધાવવાનો આદેશ આપી શકે નહીં. આ દરમિયાન અરજદાર પ્રબલ પ્રતાપ ઉશ્કેરાયા હોવાના આક્ષેપ થયા છે. તેમના પર કેસના દસ્તાવેજો કોર્ટમાં ફેંકવા તેમજ ભારતના મુખ્ય ન્યાયાધીશ (CJI) વિરુદ્ધ અપશબ્દો બોલ્યાનો પણ આરોપ છે. પરિસ્થિતિ બગડતા સુરક્ષાકર્મીઓએ તેમને કોર્ટરૂમમાંથી બહાર લઈ ગયા. સમગ્ર ઘટનાક્રમ દરમિયાન બેન્ચે શાંતિ જાળવી રાખી અને અંતે અરજી ફગાવી દીધી. જોકે, કોર્ટ દ્વારા તેમની સામે તાત્કાલિક અવમાનનાની કાર્યવાહી શરૂ કરવામાં આવી નથી. આ ઘટનાએ સુપ્રીમ કોર્ટની કાર્યવાહી દરમિયાન શિસ્ત અને કોર્ટની ગૌરવ જાળવવાના મુદ્દે ફરી એકવાર ચર્ચા જગાવી છે. વિડિઓ ની પુષ્ટિ ઈન્ડિયા નાઇન ન્યૂઝ કરતું નથી.. #cji #suprimcort #COURT #courtcase #dehli