ବାରକୋଟ ବ୍ଲକ ଚନ୍ଦନଖୁଣ୍ଟି ଗ୍ରାମରେ ସୋମବାର ଦିନ ମା’ ତାରିଣୀ ମନ୍ଦିର ପ୍ରତିଷ୍ଠା ଓ ମା’ତାରିଣୀଙ୍କ ବିଗ୍ରହରେ ପ୍ରାଣ ପ୍ରତିଷ୍ଠା କରାଯାଇଛି । ଉକ୍ତ କାର୍ଯ୍ୟକ୍ରମରେ ଶହ ଶହ ଶ୍ରଦ୍ଧାଳୁ ସାମିଲ ହୋଇଥିଲେ । ମନ୍ଦିର ପ୍ରତିଷ୍ଠା ପରେ ବିଶୁଦ୍ଧ ଜଳରେ ବିଭିନ୍ନ ପ୍ରକାର ଚେରମୂଳି ପକାଇ ଔଷଧିୟ ଜଳରେ ମା’ ତାରିଣୀଙ୍କର ସ୍ନାନ କରାଇଥିଲେ । ପରେ ସର୍ବସାଧାରଣରେ ମା’ଙ୍କର ମହାସ୍ନାନ କରାଇଥିଲେ । କେନ୍ଦୁଝର ଘଟଗାଁ ତାରିଣୀ ପୀଠରୁ ମା’ ତାରିଣୀଙ୍କର ଆଜ୍ଞାମାଳ ଓ ଶକ୍ତି ନେଇ ପ୍ରଶାନ୍ତ ନାୟକ, ଶରତ ଦେହୁରୀ ଦୁଇ ଜଣ ପୂଜକ ଆସିଥିଲେ ।