ଗୋବିନ୍ଦପୁର: ଗୋବିନ୍ଦପୁର ସାର୍ବଜନୀନ ଦୁର୍ଗା ପୂଜା କମିଟି ପକ୍ଷରୁ ମୃଣ୍ମୟୀ ଦେବୀ ଦୁର୍ଗାଙ୍କ ମୃତ୍ତିକା ଆନୟନ ଉତ୍ସବ ଅନୁଷ୍ଠିତ
Govindpur, Sambalpur | Sep 14, 2025
ବାମରା ବ୍ଲକ ସଦର ମହକୁମା ସ୍ଥିତ ଗୋବିନ୍ଦପୁର ସାର୍ବଜନୀନ ଦୁର୍ଗା ପୂଜା କମିଟି ପକ୍ଷରୁ ମୃଣ୍ମୟୀ ଦେବୀ ଦୁର୍ଗାଙ୍କ ମୃତ୍ତିକା ଆନୟନ ଉତ୍ସବ ଅନୁଷ୍ଠିତ ହୋଇଯାଇଛି। ଲଗ୍ନ ଅନୁସାରେ ରବିବାର ସନ୍ଧ୍ୟା ୭ ଟା ସମୟରେ ପୂଜା ମଣ୍ଡପରୁ ଏକ ଶୋଭାଯାତ୍ରା ବାହାରି ମୁଣ୍ଡାଢ଼ିପା ପୁଲିସ ବନ୍ଧ ପହଞ୍ଚିଥିଲେ । ମୁଖ୍ୟ ଆଚାର୍ଯ୍ୟ ପଣ୍ଡିତ ଶ୍ରୀରାମ ପଣ୍ଡା ପାରମ୍ପରିକ ରୀତିନୀତି ଅନୁସାରେ ପୂଜାର୍ଚ୍ଚନା କରିଥିଲେ। ଆଚାର୍ଯ୍ୟ ପଣ୍ଡିତ ଦୀପ୍ତିରଞ୍ଜନ ମହାପାତ୍ର ସହଯୋଗ କରିଥିବା ବେଳେ, ବିନୟ କୁମାର ପଣ୍ଡା କର୍ତ୍ତା ଦାୟିତ୍ତ୍ୱ ତୁଲାଇଥିଲେ ।