મોબાઈલ છીનવીને ભાગી રહેલા બદમાશને યુવતીએ બહાદુરીથી પકડી લીધો, જીવ જોખમમાં મૂકીને સ્નેચરની બાઈકને ઝપટી રાખી! શહેરોમાં સતત વધી રહેલી મોબાઈલ સ્નેચિંગની ઘટનાઓ વચ્ચે એક હિંમતભર્યો બનાવ સામે આવ્યો છે. એક બાઈક સવાર બદમાશે યુવતીના હાથમાંથી મોબાઈલ ફોન છીનવીને ભાગવાનો પ્રયાસ કર્યો હતો. પરંતુ યુવતીએ અદભૂત હિંમત બતાવી અને ભાગતા સ્નેચરની બાઈકને મજબૂતીથી પકડી લીધી. બાઈક આગળ વધતાં યુવતી રસ્તા પર ઘસડાતી રહી, જેના કારણે તેના જીવ પર સીધું જોખમ ઊભું થયું. યુવતીની ચીસો અને તેની બહાદુરી જોઈ આસપાસના લોકો તરત જ ઘટનાસ્થળે દોડી આવ્યા અને બદમાશને પકડી લીધો.... નોંધ: આ વીડિયો સોશિયલ મીડિયામાં વાયરલ થઈ રહ્યો છે. વીડિયો ક્યાંનો છે અને ક્યારનો છે તેની સ્વતંત્ર રીતે પુષ્ટિ થઈ શકી નથી. તેથી પ્રસાર સંદેશ ન્યૂઝ આ વીડિયોની સત્યતા કે સ્થળ-સમયની ખાતરી કરતું નથી.