#ଭାଙ୍ଗିଲା କାନପୁର ଜଳସେଚନ ପ୍ରକଳ୍ପ ର ମାଟି ବନ୍ଧ# କେନ୍ଦୁଝର ଜିଲ୍ଳା ଯୋଡ଼ା ବ୍ଲକ ଅଧିନ ଥିବା କାନପୁର ବୃହତ୍ ଜଳସେଚନ ପ୍ରକଳ୍ପର କପର୍ ଡ୍ୟାମ (ମାଟି ବନ୍ଧ) ଲଗାଣ ବର୍ଷାରେ ଭାଙ୍ଗି ଯାଇଥିବା ଘଟଣା ତଳିଆ ଅଞ୍ଚଳରେ ଏବେ ଚିନ୍ତାର କାରଣ ପାଲଟିଛି । କପର୍ ଡ୍ୟାମ ଭାଙ୍ଗିବା ପରେ ପ୍ରକଳ୍ପ ଅଞ୍ଚଳରୁ ବହୁ ପରିମାଣରେ ପାଣି ତଳିଆ ଅଞ୍ଚଳକୁ ପ୍ରବାହିତ ହେଉଥିବାରୁ ବନ୍ୟା ପରିସ୍ଥିତି ସୃଷ୍ଟି ହେବାର ଆଶଙ୍କା ଦେଖାଦେଇଛି । ବିଗତ କିଛି ଦିନ ଧରି ଲଘୁଚାପ ଜନିତ ବର୍ଷା ହେତୁ ପ୍ରକଳ୍ପ ଅଞ୍ଚଳରେ ଜଳସ୍ତର ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଥିଲା। ଅତ୍ୟଧିକ ଜଳଚାପ ସହ୍ୟ କରିନପାରି ଥିବାରୁ କପର୍ ଡ୍ୟାମ ଭାଙ୍ଗିବାକୁ ଲାଗିଛି । ଫଳରେ ପ୍ରବଳ ବେଗରେ ପାଣି ତଳିଆ ଅଞ୍ଚଳକୁ ପ୍ରବାହିତ ହେଉଛି । ଏହି ଘଟଣା ପରେ ତଳିଆ ଅଞ୍ଚଳର ଗ୍ରାମବାସୀଙ୍କ ମଧ୍ୟରେ ଆତଙ୍କ ଖେଳିଯାଇଛି। #kendujhar #Odisha