વડોદરા PCB : વડસર બ્રિજ પાસેથી કારમાં 7 લાખથી વધુના મુદ્દામાલ સાથે સ્મીજીથ ગોપાલ નામનો આરોપી દબોચાયો
વડોદરા શહેર PCB ની ટીમે બાતમીના આધારે વડસર રોડ વિશ્વામિત્રી નદીના બ્રિજ પાસેથી કારમાં વિદેશી દારૂનો જથ્થો ભરીને ફરતા એક શખ્સને ઝડપી પાડવામાં મોટી સફળતા મેળવી છે. મૂળ કેરળના અને હાલ ગોરવા વિસ્તારમાં રહેતા સ્મીજીથ ગોપાલ (નાયર) નામના ઇસમ પાસેથી ટાટા પંચ કારમાં છુપાવેલી રૂ. ૧,૮૯,૪૦૮/- ની કિંમતની ૯૧૨ નંગ વિદેશી દારૂની બોટલો મળી આવી હતી. પોલીસે કાર, મોબાઈલ અને રોકડ સહિત કુલ રૂ. ૭,૦୦,૪૦૮/- નો મુદ્દામાલ જપ્ત કર્યો છે. આ પ્રકરણમાં દારૂ સપ્લાય કરનાર ઓમપ્રકાશ અને અનિલકુમાર નામના શખ્સોને વોન્ટેડ જાહેર કરવામાં આવ્યા છે. પકડાયેલા આરોપી વિરુદ્ધ માંજલપુર પોલીસ સ્ટેશનમાં પ્રોહિબિશન એક્ટ અન્વયે ગુનો નોંધીને આગળની કાયદેસરની તપાસ શરૂ કરવામાં આવી છે.
