ચીખલી પોલીસ સ્ટેશને બલવાડા ઓવરબ્રીજ નજીકથી રૂ.૩.૫૦ લાખથી વધુની કિંમતનો વિદેશી દારૂ અને બિયરનો જથ્થો ઝડપી પાડી પ્રોહીબીશનનો મોટો કેસ શોધી કાઢ્યો છે. નેશનલ હાઇવે નં.૪૮ પર મુંબઈથી અમદાવાદ તરફ જતી એક સફેદ રંગની હ્યુંડાઈ ક્રેટા કારમાંથી ૨૫ પેટીઓમાં ભરેલી દારૂ-બિયરની ૧,૦૨૦ બાટલીઓ મળી આવી હતી. પોલીસે રૂ.૩,૫૦,૬૪૦/- નો દારૂ, રૂ.૫,૦૦,૦૦૦/- ની કિંમતની ક્રેટા કાર અને ૨ મોબાઈલ ફોન મળી કુલ રૂ.૮,૬૧,૧૪૦/- નો મુદ્દામાલ જપ્ત કર્યો છે. આ કાર્યવાહી દરમિયાન સ્થળ પરથી બે કારચાલકો (મીતકુમાર માહ્યાવંશી અને અક્ષયકુમાર રાઠોડ) ની અટકાયત કરવામાં આવી છે, જ્યારે મુખ્ય સપ્લાયર નસીમુદ્દીન ઉર્ફે આઝાદ લંગડો અને કડોદરા ખાતે જથ્થો મંગાવનાર ઈસમ વિરુદ્ધ ગુનો નોંધી આગળની તપાસ હાથ ધરી છે.
