ଶ୍ରୀମନ୍ଦିର ଉପରେ ବେଆଇନ ଡ୍ରୋନ୍ ଉଡ଼ାଇ କଲିକତା ଯୁବକ ଅଟକ ପୁରୀ: ଆଜି ଭୋର ୫:୩୦ରେ ଶ୍ରୀମନ୍ଦିର ଉପରେ ବେଆଇନ ଭାବେ ଡ୍ରୋନ୍ ଉଡ଼ାଉଥିବା କଲିକତାର ଜୟକୃଷ୍ଣ ମଣ୍ଡଳଙ୍କୁ ପୁରୀ ପୋଲିସ ଅଟକ କରିଛି। ଏସ୍ପି ପ୍ରତୀକ ସିଂଙ୍କ ନିର୍ଦେଶରେ ସିଂହଦ୍ୱାର ଥାନା ପୋଲିସ ମାଟିମଣ୍ଡପ ସାହିରୁ ତାଙ୍କୁ ଧରିବା ସହ ଡ୍ରୋନ୍ ଜବତ କରିଛି। ଅଭିଯୁକ୍ତଙ୍କୁ ଥାନାରେ ପଚରାଉଚରା କରାଯାଉଛି। ବିନା ଅନୁମତିରେ ଶ୍ରୀମନ୍ଦିର ସୁରକ୍ଷା ବଳୟରେ ଡ୍ରୋନ୍ ଉଡ଼ାଇବା ଦଣ୍ଡନୀୟ ଅପରାଧ। ପୋଲିସ ଶ୍ରଦ୍ଧାଳୁ ଓ ପର୍ଯ୍ୟଟକଙ୍କୁ ଏପରି ନ କରିବାକୁ ଚେତାବନୀ ଦେଇଛି।