🚨रस्ता अपघात कमी करण्याच्या अनुषंगाने रत्नागिरी पोलीस दलाची विशेष जनजागृती मोहीम🚨 रस्ता अपघातांवर प्रभावी नियंत्रण मिळविण्याच्या उद्देशाने मा. पोलीस अधीक्षक श्री. नितीन बगाटे (भा.पो.से.) यांच्या आदेशान्वये श्री छत्रपती शिवाजी महाराज महाराजस्व समाधान शिबिर अभियानांतर्गत तसेच रत्नागिरी पोलीस दलामार्फत राबविण्यात येत असलेल्या "Operation T.A.P.E. For Safe" या विशेष रस्ता सुरक्षा अभियानाच्या अनुषंगाने जिल्ह्यात अवजड वाहन चालक व वाहनमालकांमध्ये रस्ता सुरक्षा जनजागृती करण्यात येत आहे. या अनुषंगाने मा. पोलीस अधीक्षक श्री. नितीन बगाटे (भा.पो.से.) व मा. अपर पोलीस अधीक्षक श्री. बी. बी. महामुनी यांच्या मार्गदर्शनाखाली लांजा पोलीस ठाण्याचे पोलीस निरीक्षक श्री. निळकंठ बगळे व त्यांच्या पथकाकडून रिफ्लेक्टर, टेल लाईटचे महत्त्व, रात्रीच्या वेळी अपघात टाळण्यासाठी आवश्यक खबरदारी तसेच रिफ्लेक्टर योग्य पद्धतीने बसविण्याचे प्रत्यक्ष प्रात्यक्षिक दाखविण्यात आले. रत्नागिरी पोलीस दलातर्फे सर्व वाहन चालक व वाहनमालकांना या उपक्रमात सक्रिय सहभाग घेऊन वाहनांवरील रिफ्लेक्टर, टेल लाईट व इतर सुरक्षा साधने नियमितपणे सुस्थितीत ठेवण्याचे, वाहतूक नियमांचे पालन करण्याचे तसेच रत्नागिरी जिल्ह्यातील रस्ता अपघात कमी करण्याच्या मोहिमेत आपले सहकार्य व सहभाग नोंदविण्याचे आवाहन करण्यात आले आहे. CMO MAHARASHTRA Devendra Fadnavis Eknath Shinde - एकनाथ शिंदे Sunetra Pawar उदय सामंत Yogesh Ramdas Kadam महाराष्ट्र पोलीस | Maharashtra Police IGP Konkan Range Nitin Bagate IPS #safetyfirst #safedrive #ratnagiri #ratnagiripolice