ପବିତ୍ର ଶ୍ରାବଣ ମାସ ଅବସରରେ କୋରାପୁଟ ଜିଲ୍ଲା ବୈପାରୀଗୁଡ଼ା ବ୍ଲକ ସ୍ଥିତ ପ୍ରସିଦ୍ଧ ଗୁପ୍ତେଶ୍ୱର ଶୈବପୀଠରେ ଜଳଲାଗି ପାଇଁ କାଉଡ଼ିଆ ଭକ୍ତଙ୍କ ପ୍ରବଳ ସମାଗମ ଦେଖିବାକୁ ମିଳିଛି। ଓଡ଼ିଶା ସମେତ ଛତିଶଗଡ଼ ଓ ଆନ୍ଧ୍ରପ୍ରଦେଶରୁ ହଜାର ହଜାର ଭକ୍ତ ଏଠାରେ ପହଞ୍ଚି ବାବା ଗୁପ୍ତେଶ୍ୱରଙ୍କ ଉପରେ ପବିତ୍ର ଜଳ ଅର୍ପଣ କରୁଛନ୍ତି। ଶ୍ରାବଣ ମାସରେ ଦକ୍ଷିଣ ଓଡ଼ିଶାର ଏହି ପ୍ରସିଦ୍ଧ ଶୈବପୀଠ ଭକ୍ତଙ୍କ ଆସ୍ଥାର କେନ୍ଦ୍ର ପାଲଟିଥାଏ। ହାତରେ କାଉଡ଼ି ଓ କାନ୍ଧରେ ପବିତ୍ର ଜଳ ନେଇ ଭକ୍ତମାନେ “ବୋଲ ବମ୍” ଏବଂ “ହର ହର ମହାଦେବ” ଧ୍ୱନି ଦେଇ ଶୃଙ୍ଖଳିତ ଧାଡ଼ିରେ ମନ୍ଦିରକୁ ପ୍ରବେଶ କରୁଥିବା ଦେଖିବାକୁ ମିଳିଛି।