মাহমৰা: মাহমৰাৰ দেওঘৰীয়া মিচিং গাঁৱত উলহ-মালহেৰে আলি-আঃয়ে-লৃগাং উদযাপন, শতাধিক লোকৰ অংশগ্ৰহণ
ফাগুন মাহৰ প্ৰথমটো বুধবাৰ উপলক্ষে চৰাইদেউ জিলাৰ মাহমৰা ৰাজহ চক্ৰৰ অন্তৰ্গত দেওঘৰীয়া মিচিং গাঁৱতো আজি প্ৰতিবছৰৰ দৰে আয়োজন কৰা হয় আলি আঃয়ে লৃগাং ৷ জনগোষ্ঠীটোৰ কৃষিভিত্তিক উৎসৱ আলি আঃয়ে লৃগাঙক লৈ গাঁৱখনত পৰিলক্ষিত হয় ব্যাপক উৎসাহ-উদ্দীপনা ৷ গাঁৱৰ ৰাজহুৱা স্থানত মৰুং ঘৰ সাজি গাঁৱবাসীয়ে পৰম্পৰাগতভাৱে শস্য সিঁচাৰ লগতে গুমৰাং নৃত্যৰে উদযাপন কৰে এই উৎসৱ পালন কৰে ৷ গাঁৱৰ ল'ৰা-ডেকা-বুঢ়া, জীয়ৰী-বোৱাৰী সকলোৱে অংশগ্ৰহণ কৰে লৃগাঙৰ আনন্দ-উৎসৱত ৷