ચૂંટણી કામગીરી દરમિયાન પ્રિસાઇડિંગ ઓફિસરની તબિયત લથડી વડોદરામાં ચૂંટણીલક્ષી કામગીરી પૂરજોશમાં ચાલી રહી છે ત્યારે ઇવીએમ (EVM) ડિસ્પેચિંગની કામગીરી દરમિયાન એક દુર્ઘટના ટળી હતી પરંતુ ચિંતાજનક સ્થિતિ સર્જાઈ હતી. પ્રાપ્ત વિગતો અનુસાર, ચૂંટણી ફરજમાં જોડાયેલા પ્રિસાઇડિંગ ઓફિસર નિલય જીવણીની કામગીરી દરમિયાન અચાનક જ તબિયત લથડી હતી. તેઓ અચાનક ચક્કર આવવાથી સ્થળ પર જ ઢળી પડ્યા હતા, જેને પગલે હાજર કર્મચારીઓમાં થોડીવાર માટે નાસભાગ અને દોડધામ મચી ગઈ હતી. તંત્ર દ્વારા ત્વરિત પગલાં લઈને ૧૦૮ એમ્બ્યુલન્સને બોલાવવામાં આવી હતી અને ઇજાગ્રસ્ત અધિકારીને તાત્કાલિક ધોરણે સારવાર અર્થે હોસ્પિટલ ખસેડવામાં આવ્યા હતા. આ ઘટનાને પગલે ચૂંટણી સ્ટાફમાં ચિંતાની લાગણી ફેલાઈ છે. #factfindernews #officer #manjalpurelection #BJPgujarat #Vadodara