વડોદરાના ગોરવા BIDCની બંધ ફેક્ટરીમાં ચોરી કરનાર કુખ્યાત શખ્સ સહિત બે ઝડપાયા વડોદરા શહેરના ગોરવા પોલીસ સ્ટેશન વિસ્તારમાં આવેલ દેવ ઇન્ડસ્ટ્રિયલ એસ્ટેટની બંધ ફેક્ટરીમાંથી સીસીટીવી ડીવીઆર, રાઉટર અને પીત્તળના 168 બુસ સહિત કુલ રૂ. 1,95,000/- ની મત્તાની ઘરફોડ ચોરી થઈ હતી. આ અનડિટેક્ટ ગુનાને ઉકેલવા માટે ક્રાઈમ બ્રાન્ચની ટીમો કામે લાગી હતી.બાતમી અને ધરપકડ: હ્યુમન સોર્સ અને સીસીટીવી ફૂટેજના આધારે તપાસ કરતા ક્રાઈમ બ્રાન્ચે દિવ્યાંગ ઉર્ફે નાનુ વિરબહાદુર રાણા (રહે. રણોલી) અને અંકિત વિભાકર સેલાત (રહે. કારેલીબાગ) ને ખાસવાડી સ્મશાન રોડ પાસેથી મોટરસાયકલ અને ચોરીના મુદ્દામાલ સાથે ઝડપી પાડ્યા હતા. આરોપીઓની સઘન પૂછપરછમાં તેઓએ બે વખત ફેક્ટરીના પતરા તોડી ચોરી કર્યાની કબૂલાત કરી હતી.પકડાયેલા મુખ્ય આરોપી દિવ્યાંગ રાણા સામે અગાઉ ચોરી, ઘરફોડ અને મારામારીના કુલ 14 ગુના નોંધાયેલા છે અને તે ત્રણ વખત પાસા હેઠળ પણ જેલ જઈ ચૂક્યો છે. પોલીસે રૂ. 2,20,000/- નો કુલ મુદ્દામાલ કબ્જે કરી ગોરવા પોલીસ સ્ટેશનનો અનડિટેક્ટ ગુનો ડીટેક્ટ કર્યો છે. #facfindernews #DCB #gorwaVadodara #Theft #arrested