ମଙ୍ଗଳବାର ଦିନ ବୌଦ୍ଧ ଥାନା ବାଙ୍କୀ ଗ୍ରାମ ନିକଟ ଜଙ୍ଗଲରେ ହୋଇଥିବା ବେଆଇନ୍ ଗଞ୍ଜେଇ ଚାଷ ଉପରେ ବୌଦ୍ଧ ପୋଲିସର ପକ୍ଷରୁ ଚଢାଉ କରା ଯାଇଥିଲା l ମିଳିଥିବା ସୂଚନା ଅନୁଯାୟୀ ଉକ୍ତ ଅଞ୍ଚଳରେ ଗଞ୍ଜେଇ ଚାଷ ହୋଇଥିବା ବିଶ୍ୱସ୍ତ ସୂତ୍ରରୁ ଖବର ପାଇ ବୌଦ୍ଧ ଆରକ୍ଷୀ ଅଧୀକ୍ଷକ ରାହୁଲ୍ ଗୋୟଲଙ୍କ ନିର୍ଦ୍ଦେଶ କ୍ରମେ ଆଜି ଦିନ ତମାମ ବୌଦ୍ଧ ଥାନା ଓ ବଘିଆ ପଡା ଫାଣ୍ଡି ପୋଲିସ ପକ୍ଷରୁ ଚଢାଉ କରା ଯାଇଥିଲା l ବାଙ୍କୀ ଗ୍ରାମ ନିକଟ ଜଙ୍ଗଲ ଜମିରେ ହୋଇଥିବା 85 ଏକର ବେଆଇନ ଗଞ୍ଜେଇ ଚାଷକୁ କାଟି ପୋଡି ନଷ୍ଟ କରା ଯାଇଥିବା ସୂଚନା ମିଳିଛି |