ઉતરાયણ તહેવાર પૂર્વે ગોધરા શહેરમાં પ્રતિબંધિત ચાઇનીઝ દોરીના વેચાણ સામે પંચમહાલ એસઓજી પોલીસે કાર્યવાહી કરી છે. બાવાની મઢી વિસ્તારમાંથી મળેલી બાતમીના આધારે એસઓજી ટીમે જયેશ મહેશભાઈ મકવાણાને ઝડપી પાડ્યો. આરોપી પાસેથી રૂ. ૮ હજાર કિંમતની પ્રતિબંધિત ચાઇનીઝ દોરીની ૧૦ રીલો જપ્ત કરવામાં આવી. આ અંગે ગોધરા ટાઉન ‘એ’ ડિવિઝન પોલીસ સ્ટેશનમાં ગુનો નોંધાયો છે. પોલીસ શહેરમાં ગેરકાયદેસર વેપાર સામે સતત વોચ રાખી રહી છે.