વલસાડ જિલ્લાના ડુંગરી પોલીસને વિદેશી દારૂની હેરાફેરી રોકવામાં મોટી સફળતા હાથ લાગી છે. નેશનલ હાઇવે નંબર ૪૮ પરથી પસાર થતી એક ટાટા સફારી કારમાંથી પોલીસે લાખો રૂપિયાના બિયરના જથ્થા સાથે દમણના બે યુવકોને ઝડપી પાડ્યા છે. ડુંગરી પોલીસ સ્ટેશનના એ.એસ.આઇ. જયેન્દ્રસિંહ જેઠવા અને તેમની ટીમ હાઇવે પર પેટ્રોલિંગમાં હતી, ત્યારે તેમને ખાનગી રાહે બાતમી મળી હતી કે એક બ્રાઉન કલરની ટાટા સફારી સ્ટોર્મ કાર, જેનો નંબર GJ-16-BB-9612 છે, તેમાં ગેરકાયદેસર રીતે દારૂનો જથ્થો ભરીને દમણથી સુરત તરફ લઈ જવામાં આવી રહ્યો છે. આ બાતમીના આધારે પોલીસે ડુંગરી ગામમાં કૃપા માર્કેટિંગની સામે, મુંબઇથી સુરત જતા નેશનલ હાઇવે ૪૮ પર વોચ ગોઠવી હતી. બાતમીવાળી ટાટા સફારી કાર આવતા જ પોલીસે હાઇવેનો ટ્રાફિક રોકીને કારને કોર્ડન કરી લીધી હતી. પોલીસે કારની અંદર તપાસ કરતા પાછળની સીટ અને ડેકીના ભાગે કાળા કલરની મીણીયા થેલીઓ અને પૂંઠાના બોક્સ મળી આવ્યા હતા. આ બોક્સ ખોલીને જોતાં તેમાંથી ભારતીય �