#ଏରସମାରେ_କଂଗ୍ରେସର_ଛାତ୍ର_ରାଜନୀତିକୁ_ନେଇ_ପ୍ରଶ୍ନ! ପିନାକୀ ଦାସ ଓ ନଳିନୀ ସ୍ୱାଇଁଙ୍କ ସମର୍ଥନକୁ ନେଇ ଅସନ୍ତୋଷ
ଜଗତସିଂହପୁର ଜିଲ୍ଲା ଏରସମାରେ କଂଗ୍ରେସର ଛାତ୍ର ରାଜନୀତିକୁ ନେଇ ଏବେ ଉଠିଛି ପ୍ରଶ୍ନବାଚୀ! ଶ୍ରୀ ଶ୍ରୀ ଜଗନ୍ନାଥ ମହାବିଦ୍ୟାଳୟ, ନିମୋଳରେ ଛାତ୍ର ସଂସଦ ନିର୍ବାଚନରେ କଂଗ୍ରେସ ସମର୍ଥିତ ପ୍ରାର୍ଥୀମାନେ ସଫଳତା ପାଇନଥିବା ବେଳେ, ଦଳର ବ୍ଲକ ନେତୃତ୍ୱର ସହଯୋଗକୁ ନେଇ ଅସନ୍ତୋଷ ପ୍ରକାଶ ପାଇଛି।
ଅଭିଯୋଗ ଅନୁସାରେ, ନିର୍ବାଚନ ସମୟରେ ବ୍ଲକ କଂଗ୍ରେସ ସଭାପତି ପିନାକୀ ଦାସ ଓ ବିଧାୟକ ପ୍ରାର୍ଥୀ ନଳିନୀ ସ୍ୱାଇଁଙ୍କ ପକ୍ଷରୁ ଛାତ୍ରମାନଙ୍କୁ ଆଶାନୁରୂପ ସହଯୋଗ ମିଳିନଥିଲା। ଏପରିକି ନିର୍ବାଚନ ପାଇଁ ଆବଶ୍ୟକ ଆର୍ଥିକ ସହାୟତା କିମ୍ବା ଅନ୍ୟାନ୍ୟ ସାଂଗଠନିକ ସମର୍ଥନ ମିଳିନଥିବା ନେଇ କିଛି ଛାତ୍ର ଅସନ୍ତୋଷ ବ୍ୟକ୍ତ କରିଛନ୍ତି।କେବଳ ଚାନ୍ଦା ଆଦାୟ ପାଇଁ ନିଜ ମୁହଁ ଦେଖାନ୍ତି ଏହି ଦୁଇ ଜଣ ବୋଲି ଅଭିଯୋଗ ହେଇଛି l
ଅନ୍ୟପଟେ, ଏହି ନିର୍ବାଚନର ଦାୟିତ୍ୱ ଜିଲ୍ଲା ସଦସ୍ୟ ବଲଭାନନ୍ଦ ସ୍ୱାଇଁ ଓ ଅଭିଜିତ ସାହୁ ନେଇଥିବା କୁହାଯାଉଛି। ଏଭଳି ସ୍ଥିତିରେ ପ୍ରଶ୍ନ ଉଠୁଛି—ଛାତ୍ର ସଂଗଠନକୁ ସୁଦୃଢ଼ କରିବା ପାଇଁ ବ୍ଲକ ନେତୃତ୍ୱର ଭୂମିକା କ’ଣ ଥିଲା? ଛାତ୍ରମାନଙ୍କ ଅଭିଯୋଗ ଉପରେ ଦଳୀୟ ନେତୃତ୍ୱ କ’ଣ ସ୍ପଷ୍ଟୀକରଣ ଦେବେ?
ଛାତ୍ର ରାଜନୀତି କେବଳ ପ୍ରାର୍ଥୀ ଦେବାରେ ସୀମିତ ନୁହେଁ; ଏଥିପାଇଁ ଆବଶ୍ୟକ ସଂଗଠନ, ସମନ୍ୱୟ ଓ ଉପଯୁକ୍ତ ସହଯୋଗ। ତେଣୁ ଏରସମାରେ କଂଗ୍ରେସର ଏହି ନିର୍ବାଚନୀ ବିଫଳତା ପରେ ଦଳୀୟ ନେତୃତ୍ୱ ଆତ୍ମସମୀକ୍ଷା କରିବେ କି ନାହିଁ, ତାହା ଏବେ ଦେଖିବାର କଥା।
