लातूर -चाकूर तालुक्यातील नळेगाव गावावर सोमवारी दुपारी अचानक शोककळा पसरली. घरणी नदीच्या काठावर, संगाप्पा महाराज पुलाजवळ असलेल्या विसर्जन तलावात एका महिला व एका पुरुषाचे मृतदेह तरंगताना आढळून आल्याने संपूर्ण परिसरात एकच खळबळ उडाली. शांत, नेहमीच्या वर्दळीचा हा परिसर काही क्षणांतच भय आणि हळहळ व्यक्त करणाऱ्या गर्दीने भरून गेला.नळेगाव–सावंतवाडी रस्त्यालगत असलेल्या विसर्जन तलावात मृतदेह तरंगताना दिसताच नागरिकांनी तात्काळ चाकूर पोलिसांना माहिती दिली.