ଜୟପୁର ପୌର ପାଳିକା ପକ୍ଷରୁ ସହରର ସମସ୍ତ ବିଦ୍ୟାଳୟ ନିକଟରେ ରହିଥିବା ଆମିଷ ଦୋକାନ ଗୁଡିକ ଉଚ୍ଛେଦ ନେଇ କାର୍ଯ୍ୟାନୁଷ୍ଠାନ ଆରମ୍ଭ କରିଛନ୍ତି । ଆଜି ସକାଳ 7ଟା ରେ ସରକାରୀ ଉଚ୍ଚ ବିଦ୍ୟାଳୟ ଏବଂ ରବିବାର ଉଦଘାଟନ ହେବାରୁ ଥିବା ଅସ୍ଥାୟୀ କେନ୍ଦ୍ରୀୟ ବିଦ୍ୟାଳୟ ନିକଟସ୍ଥ ଛେଳି , କୁକୁଡା ମାସଂ ଦୋକାନ ଗୁଡିକକୁ ଉଚ୍ଛେଦ କରାଯାଇଛି । ଏହାପରି ସହରର ସମସ୍ତ ବିଦ୍ୟାଳୟ ନିକଟସ୍ଥ ସମସ୍ତ ଆମିଷ ଦୋକାନ ଉଚ୍ଚେଦ ପ୍ରକ୍ରିୟା ଆରମ୍ଭ କରାଯିବ ବୋଲି ଅତିରିକ୍ତ ପୌର ନିର୍ବାହୀ ଅଧିକାରୀ ପୂଜା ରାଉତ ସୂଚନା ଦେଇଛନ୍ତି ।