લિંબાયત રેલ રાહત કોલોનીમાં મહિલાઓનો આક્રોશ: "ન સ્થાનિક કોર્પોરેટર આવ્યા, ન સરકારની સહાય પહોંચી" સુરતના લિંબાયત વિસ્તારમાં નૂરાની મસ્જિદ પાસે આવેલી રેલ રાહત કોલોનીમાં રહેતી મહિલાઓએ પોતાની મુશ્કેલીઓ અંગે ભારે નારાજગી વ્યક્ત કરી છે. મહિલાઓનો આક્ષેપ છે કે વારંવાર રજૂઆતો કરવા છતાં તેમની મદદ માટે કોઈ સ્થાનિક કોર્પોરેટર કે કાર્યકર્તા સ્થળ પર પહોંચ્યા નથી. સ્થાનિકોના જણાવ્યા અનુસાર, સરકાર તરફથી મળવી જોઈએ તેવી સહાય પણ હજુ સુધી પહોંચી નથી, જેના કારણે પરિવારોને ભારે હાલાકીનો સામનો કરવો પડી રહ્યો છે. મહિલાઓએ જણાવ્યું કે અનેક વખત મદદ માટે અપીલ કરવા છતાં કોઈ અસરકારક કાર્યવાહી જોવા મળી નથી. રેલ રાહત કોલોનીની મહિલાઓએ સરકાર અને સંબંધિત તંત્રને તાત્કાલિક હસ્તક્ષેપ કરીને જરૂરી સહાય પહોંચાડવાની માંગ કરી છે. સાથે જ તેમણે જવાબદાર લોકપ્રતિનિધિઓ સામે પણ અસંતોષ વ્યક્ત કરતાં જણાવ્યું કે મુશ્કેલીના સમયે તેઓ લોકોની વચ્ચે દેખાતા નથી.