ଲକ୍ଷ୍ମୀପୁର ବ୍ଳକ ପଞ୍ଚଡା ଗ୍ରାମ ପଞ୍ଚାୟତର ଦୋକାନ ଗୃହ ଭାଙ୍ଗିବା ଅଭିଯୋଗରେ ସରପଞ୍ଚ ପ୍ରିୟଙ୍କା ଜାନି ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି । ସରପଞ୍ଚ ଏ ବିଷୟରେ ଗତ ମାସ ୨୭ ତାରିଖରେ ଲକ୍ଷ୍ମୀପୁର ବିଡିଓ,ତହସିଲଦାରଙ୍କ ସମେତ କାକିରିଗୁମ୍ମା ଥାନାରେ ଅଭିଯୋଗ କରିଥିଲେ କିନ୍ତୁ କୌଣସି ସୁଫଳ ନମିଳିବାରୁ ଆଜି ଦିନ ୨ଟା ସମୟରେ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି। ଅନ୍ୟ ମାନଙ୍କ ମଧ୍ୟରେ ମିନ ଜାନି, ସିମାଞ୍ଚଳ ବିଶୋଇ, ଗୟା ରାମ ଜାନି, ଘନ ସାଉନ୍ତା, ଗିରି ଜାନି, ବୁଦୁ ଗରଡ଼ା, ଗୋପାଳ ବିଶୋଇ ପ୍ରମୁଖ ଗ୍ରାମବାସୀ ଜିଲ୍ଲାପାଳଙ୍କୁ ଭେଟି ଆଲୋଚନା କରିଛନ୍ତି।