આણંદ શહેરમાં એક મહિનામાં વધુ એક હત્યાની ઘટના સામે આવી છે. શહેરના જુનાબજાર પાસે આવેલા ફ્રૂટ માર્કેટમાં તીક્ષ્ણ હથિયારના ઘા ઝીંકી યુવકની હત્યા કરવામાં આવી હતી. ફ્રૂટ માર્કેટમાં ગાડી ખાલી કરતી વખતે થયેલા બે શ્રમિકો વચ્ચેના ઝઘડાએ ઉગ્ર સ્વરૂપ ધારણ કર્યું હતું, જેમાં તીક્ષ્ણ હથિયારથી હુમલો કરવામાં આવ્યો. ઘટનાની જાણ થતાં આણંદ ટાઉન પોલીસ તાત્કાલિક ઘટનાસ્થળે પહોંચી હતી. ત્યારબાદ આણંદ ડિવિઝનના ડીવાયએસપી જે. એન. પંચાલ પણ સ્થળ પર પહોંચ્યા અને તપાસ હાથ ધરી.