मकरसंक्रांतीच्या सणाचे उत्साही वातावरण असतानाच तुमसर तालुक्यातील तामसवाडी येथे एक अत्यंत हृदयद्रावक घटना घडली असून, वैनगंगा नदीच्या पात्रात बुडून १६ वर्षीय शालेय विद्यार्थ्याचा दुर्दैवी अंत झाला आहे. क्षितिज लिलाधर लांजेवार असे मृत विद्यार्थ्याचे नाव असून, तो डोंगरला येथील पंडित दीनदयाल उपाध्याय विद्यालयात इयत्ता १० वीत शिकत होता. आज दिनांक १४ जानेवारी रोजी सणाची सुटी असल्याने क्षितिज आपल्या दोन मित्रांसह दुपारी १ वाजेच्या सुमारास तामसवाडी आणि घाटकुरोडा दरम्यान असलेल्या वैनगंगा नदीकाठी