તારાપુર: ચાંગડા ગામે ખેતરમાં આવેલ ગોડાઉનમાં ભીષણ આગ, પરાળના ગંઠા, ટ્રોલી અને મશીનના પૈડાં બળીને ખાખ
Tarapur, Anand | Jun 22, 2026
તારાપુરના ચાંગડા ગામે ખેતરમાં આવેલ એક ગોડાઉનમાં અચાનક લાગેલી વિકરાળ આગને કારણે ભારે નુકસાન થવા પામ્યું છે. આ ગોડાઉન ધર્મેન્દ્રભાઈ પ્રજાપતિના ખેતરમાં આવેલું હતું, જેમાં પરાળના ગંઠા સંગ્રહ કરવામાં આવ્યા હતા.ગોડાઉનમાં રહેલા પરાળના ગંઠામાં કોઈ કારણસર આગ લાગી હતી. આગે જોતજોતામાં રૌદ્ર સ્વરૂપ ધારણ કરી લીધું હતું. આ અકસ્માતમાં ગોડાઉનમાં રહેલા પરાળના ગંઠા ઉપરાંત ખેતી કામમાં વપરાતી ટ્રોલી અને ગંઠા પાડવાનું મશીન પણ આગની ઝપેટમાં આવી જતાં ટાયરો બળી ગયા હતા.
