କୋରାପୁଟ ସହର: ସୁନାବେଡା ଥାନା ଭେଜାପୁଟ ଅଞ୍ଚଳରେ ଅବକାରୀ ବିଭାଗ ପକ୍ଷରୁ ବାଇକ ସହ ଦେଶୀ ମଦ ଜବତ, ଜଣେ ଗିରଫ
Koraput Town, Koraput | Nov 10, 2025
ଅବକାରୀ ଅଧିକ୍ଷକ ଅରୁଣ କୁମାର ପାଢୀଙ୍କ ନିର୍ଦ୍ଦେଶ କ୍ରମେ ସଦର ଅବକାରୀ ଇନ୍ସପେକ୍ଟର ସୁଧୀର କୁମାର ସାହୁଙ୍କ ନେତୃତ୍ୱରେ ଏକ ଟିମ ସୋମବାର ଦିନ ସୁନାବେଡ଼ା ଥାନା ଭେଜାପୁଟ ଅଞ୍ଚଳରେ ପେଟ୍ରୋଲିଙ୍ଗ କରୁଥିବା ବେଳେ ଏକ ବାଇକ ସହ ଦେଶୀ ମଦ ଜବତ କରି ଜଣକୁ ଗିରଫ କରିଥିଲେ। ଗିରଫ ଅଭିଯୁକ୍ତ ଜଣକ ପୁଟ୍ରାଘାଟି ଗ୍ରାମର ଖଗେଶ୍ବର ସାହୁ ବୋଲି ଜଣା ପଡିଛି। ଖଗେଶ୍ବର ଆଜି ସକାଳେ ଓଡି ୧୦ ଏନ ୯୭୭୧ ନମ୍ବର ବାଇକରେ ୧୬ ଲିଟର ଦେଶୀ ମଦ ନେଇ ବିକ୍ରୀ ପାଇଁ ଯାଉଥିବା ବେଳେ ଭେଯାପୁଟ ଠାରେ ଅବକାରୀ ଟିମ ହାତରେ ଧରା ପଡ଼ିଥିଲେ।