କୋରାପୁଟ ଜିଲ୍ଲାର ବାରିଣୀପୁଟ ଯୋଜନା ଉଚ୍ଚ ବିଦ୍ୟାଳୟରେ ଗତକାଲି ପୂର୍ବତନ ଛାତ୍ରଙ୍କ ଛୁରା ମାଡ଼ରେ ଜଣେ ଦଶମ ଶ୍ରେଣୀର ଛାତ୍ର ମହେଶ ବାଘଙ୍କ ମୃତ୍ୟୁ ଘଟିଥିଲା। ଆଜି ଶବ ବ୍ୟବଛେଦ ପରେ ପରିବାର ଲୋକ, ଗ୍ରାମବାସୀ ଓ ସ୍ଥାନୀୟ ଲୋକେ ଜୟପୁର–କୋରାପୁଟ ୨୬ ନମ୍ବର ଜାତୀୟ ରାଜପଥର ବାରିଣୀପୁଟଠାରେ ଶବ ରଖି ରାସ୍ତା ଅବରୋଧ କରିଛନ୍ତି। ମୃତକଙ୍କ ପରିବାରକୁ ଉପଯୁକ୍ତ କ୍ଷତିପୂରଣ ପ୍ରଦାନ କରିବା ସହ ଛୁରାମାଡ଼ ଘଟଣାରେ ସମ୍ପୃକ୍ତ ଅଭିଯୁକ୍ତ ବାଳକଙ୍କୁ ଶୀଘ୍ର ଗିରଫ କରିବା ଦାବିରେ ଆନ୍ଦୋଳନ କାରୀମାନେ ଟାୟାର ଜାଳି ପ୍ରତିବାଦ କରୁଛନ୍ତି