ఆత్మకూరు ప్రాంతాల్ని పలకరించిన తొలకరి చినుకులు .ఒక్కసారిగా మారిపోయిన వాతావరణం.
తొలకరి చినుకులు ఆత్మకూరు ప్రాంతాన్ని పలరించాయి ఆత్మకూరు సబ్డివిజన్ పరిధిలోని ఆత్మకూరు, కొత్తపల్లి, వెలుగోడు, పాములపాడు మండలాల్లో తెల్లవారుజామున 5 గంటల నుండి వర్షం కురుస్తోంది. గత మూడు నాలుగు గంటలుగా మోస్తరు వర్షం కురుస్తుండడంతో ఆత్మకూరు ప్రాంతంలో వాతావరణం పూర్తిగా మారిపోయింది.ఎండలతో ఉక్కపోతకు గురైన ప్రజలకు ఈ చినుకులు ఉపశమనం కలిగించాయి. ఒక్కసారిగా వాతావరణం చల్లబడడంతో ప్రజలు ఆనందం వ్యక్తం చేస్తున్నారు. రైతులు కూడా ఈ వర్షాలతో ఆశాభావం వ్యక్తం చేస్తున్నారు.