સુરત: શહેરના ડીંડોલીમાં ફરી એકવાર લોહિયાળ ખેલ ખેલાયો છે. ડીંડોલીના નરોત્તમ નગરમાં માત્ર ગુટખા ખાવા જેવી સામાન્ય બાબતના ઝઘડામાં મધ્યસ્થી બનવું એક યુવકને ભારે પડ્યું છે. ઉશ્કેરાયેલા શખ્સોએ ચપ્પુના ઘા ઝીંકી 40 વર્ષીય યુવકની હત્યા કરી નાખતા સમગ્ર વિસ્તારમાં ચકચાર મચી ગઈ છે.ડીંડોલી ચિંતા ચોક પાસે આવેલા નરોત્તમ નગરમાં રહેતા અને ટેમ્પો ચલાવી પરિવારનું ગુજરાન ચલાવતા રામકૃષ્ણ રાજારામ પાટિલ (ઉં.વ. 40) નામના યુવકની હત્યા કરવામાં આવી છે.