Humne ye safar us waqt shuru kiya tha, jab cleanliness drives social media par trend nahi thi.
Na kisi trend ko follow karne ke liye, na kisi recognition ke liye—bas Kota ke liye kuch karne ki soch ke saath.
100 drives ke baad bhi hum ye nahi kahenge ki Kota mein gandgi poori tarah khatam ho gayi hai.
Lekin haan, is safar mein humse judne wale har vyakti ne hume ek umeed zaroor di hai.
Jo log in 100 drives mein humare saath khade rahe, apna waqt diya aur safai ke liye mehnat ki—hume un sab par garv hai.
Hume yakeen hai ki ye log sirf hamare saath safai karne nahi aaye the, balki aage bhi jab kahin gandgi dekhenge, khud gandgi nahi karenge aur doosron ko bhi rokne ki koshish karenge.
Aur shayad awareness ka asli matlab bhi yahi hai—
sirf ek din safai karna nahi, balki har din apni zimmedari samajhna.
In 100 drives mein humse jude log hi humare asli influencers hain—jo apne actions se doosron ko bhi jagruk karenge, logon ki madad ke liye aage rahenge aur galat ko galat kehne se kabhi peeche nahi hatenge.
Kota ko behtar banane ka ye safar abhi jaari hai. ❤️
Ladpura, Kota | Sep 23, 2026 
