महागाव तालुक्यातील फुलसावंगी पैनगंगा नदीपात्रातून चालू असलेल्या अवैध रेती उत्खननवर स्थानिक गुन्हे शाखा यवतमाळने दि. ५ डिसेंबर रोजी दुपारी २ वाजताच्या दरम्यान धडक कारवाई केली. गोपनीय माहितीच्या आधारे हिंगणी पांदन रस्त्यावर सापळा रचून चार ट्रॅक्टर विना परवाना रेती चोरी करताना पकडले. या कारवाईत एकूण १६ लाख २४ हजार रुपय किमतीचा मुद्देमाल जप्त करण्यात आला. तसेच अमोल नखाते, संदीप राहटे, गजानन आवळे व अक्षय इंगोले या चार आरोपींना ताब्यात घेऊन महागाव पोलीस स्टेशनमध्ये गुन्हा दाखल केले.