बाम्पेवाडातील वाघाने जखमी केलेल्या महिलेची प्रकृती गंभीर,वनविभागाने आर्थिक मदत देण्यासाठी नागरिकांनी केला रस्ता जाम
सकाळी ११ वाजता गावकऱ्यांनी नवेगाव नागझिरा व्याघ्र राखिव प्रवेशद्वार शिवनटोला, पिटेझरी हा साकोली तिरोडा राज्यमार्गावर येत हा मार्गावर चक्का जाम आंदोलन केले. ही माहिती मिळताच साकोली उपविभागीय पोलिस अधिकारी शिवम विसापूरे, सहाय्यक पोलीस निरीक्षक राजू साळवे, पोलीस उपनिरीक्षक निता इवनाते, उपनिरीक्षक अर्जून बेडवाल यांसह साकोली पोलीस ताफ्यांसह घटनास्थळी दाखल झाले. गावकऱ्यांची समजून काढण्यासाठी प्रयत्न केले पण गावकरी जोपर्यंत त्या महिलेला आर्थिक मदत मिळत नाही या मार्गावरून आम्ही उठणार नाही असा पवित्रा घेतला होता. येथे माजी जिल्हा परिषद सदस्य डॉ. नेपाल रंगारी उपस्थित झाले. त्यांनी आत्ताच वनपरिक्षेत्र अधिकारी लाखनी यांना येथे बोलवा तरच हा रस्ता सोडू अन्यथा अन्य गावातील जनतेला येथे बोलविले जाईल अशी भूमिका घेतली होती.