प्रचार संपवून घराकडे परतत असलेल्या राष्ट्रवादी काँग्रेस (शरद पवार) गटाच्या उमेदवाराच्या भावाला पैसे वाटपाच्या संशयावरुन प्रतिस्पर्धी भारतीय जनता पार्टीच्या उमेदवाराच्या पतीसह भावाने रस्त्यात अडवून शिवीगाळ करीत मारहाण केली. ही घटना सोमवारी १२ जानेवारी रोजी सकाळी ११.३० वाजता प्रभाग क्रमांक २ मधील शिवाजी नगरात घडली. याप्रकरणी शहर पोलीस ठाण्यात अदखलपात्र गुन्ह्याची नोंद करण्यात आली आहे.