అనంతపురం జిల్లా గుత్తి పట్టణంలోని వక్కలకుంట ప్రాంతంలో అప్పుడే పుట్టిన ఓ గుర్తు తెలియని మృత ఆడ శిశువు ఎవరైనా గుర్తిస్తే తమకు సమాచారం ఇవ్వాలని గుత్తి పోలీసులు కోరుతున్నారు. బుధవారం పోలీసులు ఓ ప్రకటన విడుదల చేశారు. పోలీసులు తెలిపిన వివరాలిలా ఉన్నాయి. మంగళవారం అర్ధరాత్రి ఎవరో గుర్తు తెలియని వ్యక్తులు ఏదైనా కారణాల వలన పుట్టిన బిడ్డను బ్రతికి ఉండగా లేదా మృతి చెందిన అనంతరం పట్టణంలోని శివాలయం వీధిలో వక్కల కుంట వద్ద మైనుద్దీన్ ఇంటి అరుగు మీద ప్లాస్టిక్ కవర్ లో చుట్టి వదిలివెళ్లారు. ఆచూకీ తెలిస్తే 9346010582 కు సమాచారం ఇవ్వాలని సీఐ రామారావు తెలిపారు.