ट्रॅक्टरची ट्रॉली चोरीप्रकरणी दिग्रस पोलिसांची जलद कारवाई, सहा तासांत आरोपी अटक, सहा लाखांचा मुद्देमाल जप्त
दिग्रस पोलीस स्टेशन हद्दीत ट्रॅक्टरची ट्रॉली चोरीप्रकरणी दिग्रस पोलिसांनी अवघ्या सहा तासांत आरोपीस अटक करत सुमारे सहा लाख रुपयांचा मुद्देमाल आज सोमवारी जप्त केला आहे. याप्रकरणी फिर्यादी संतोष भिमराव चव्हाण राहणार आरंभी तालुका दिग्रस यांनी दिनांक पंचवीस जानेवारी रोजी दिग्रस पोलीस ठाण्यात तक्रार दाखल केली की रात्री शेतात उभी असलेली ट्रॅक्टरला जोडलेली सुमारे दोन लाख रुपये किमतीची ट्रॉली अज्ञात चोरट्याने चोरून नेली. या प्रकरणी दिग्रस पोलिसांनी अज्ञात चोरट्याविरुद्ध गुन्हा दाखल करून. दिग्रस पोलिसांनी गुन्ह्याचे गांभीर्य लक्षात घेऊन आर्णी आणि दिग्रस पोलिसांचे विशेष तपास पथक तयार केले. गुप्त बातमीदारांकडून मिळालेल्या माहितीच्या आधारे पोलिसांनी आसरा गाव परिसरात सापळा रचून आरोपी सुधाकर मोहन तूनगर राहणार आसरा याला ताब्यात घेतले. तपासादरम्यान आरोपीने गुन्ह्याची कबुली दिली.
