କୋରାପୁଟ ପୌର ପରିଷଦ ପକ୍ଷରୁ ଅନେକ ସ୍ଥାନରେ ଗୋଷ୍ଠୀ ଶୌଚାଳୟ ନିର୍ମାଣ କରାଯାଇଛି। କିନ୍ତୁ କେତେକ ସ୍ଥାନରେ ରହିଥିବା ଶୌଚାଳୟ ବନ୍ଦ୍ ରହିଥିବା ବେଳେ ଅନ୍ୟ ସ୍ଥାନରେ ଖୋଲା ରହିଛି । ଖୋଲା ଶୌଚାଳୟ ଭିତରେ ବ୍ୟବହୃତ ମଦ ବୋତଲ ଏବଂ ଅନ୍ୟାନ୍ୟ ଜିନିଷ ପଡ଼ି ରହିଛି। ଗୋଷ୍ଠୀ ଗତ ଶୌଚାଳୟ କେବେ ବ୍ୟବହାର ଉପଯୋଗୀ ହେବ ବୋଲି ସାଧାରଣରେ ପ୍ରଶ୍ନ ଉଠୁଛି । ମହିଳା ଗୋଷ୍ଠୀ କିମ୍ବା ବେସରକାରୀ ଅନୁଷ୍ଠାନକୁ ଖୁବ୍ ଶୀଘ୍ର ଦାୟିତ୍ବ ପ୍ରଦାନ କରିବା ପାଇଁ ବ୍ୟବସ୍ଥା କରାଯିବ ବୋଲି ଆଜି ଦିନ ୨ଟା ସମୟରେ କୋରାପୁଟ ପୌର ପରିଷଦ ଅଧ୍ୟକ୍ଷ ଲଲାଟ ରଞ୍ଜନ ସେଠୀ କହିଛନ୍ତି।