સાવરકુંડલા–રાજુલા રોડ પર થોરડી ગામની હાઈસ્કૂલ સામે નીતિનિયમ વિના બાંધવામાં આવેલા બે સ્પીડ બ્રેકરોને કારણે સ્થાનીક લોકો ભારે પરેશાની અનુભવી રહ્યા છે. સફેદ પટ્ટા, ચેતવણી બોર્ડ અથવા અન્ય કોઈ સૂચના વગરના આ ગેરઅનુરૂપ સ્પીડ બ્રેકરના કારણે અનેક બાઈકચાલકો પડી જતા ઈજા પામી રહ્યા છે તેમજ ચારચક્રી વાહનોને નુકસાન પહોંચ્યું છે. તાજેતરમાં વેગન આર વાહનનો આગળનો ગુઠકો પણ આ જ સ્પીડ બ્રેકરના કારણે નુકસાન પામ્યો હોવાની માહિતી મળી છે.