મેઘરજના રેલ્લાવાડામાં ફરી એકવાર ચોરીની ઘટના સામે આવી છે. ગામની લક્ષ્મી નારાયણ જવેલર્સ દુકાનને ચોરોએ બીજી વખત નિશાન બનાવવાનો પ્રયાસ કર્યો છે. આશરે 15 દિવસ પહેલાં પણ આ જ દુકાનમાં ચોરીની ઘટના બની હતી અને 1.50 લાખ રૂપિયાની ચાંદી ચોરાઈ હતી અને આજ દુકાને ફરી એક વાર ચોરીની ઘટના સામે આવી છે. દુકાનદારના જણાવ્યા મુજબ ગત રાત્રે તસ્કરોએ દુકાનનું આગળનું શટર તેમજ પાછળના ભાગે પતરું તોડી અંદર ઘૂસ્યા હતા. એક જ મહિનામાં રેલ્લાવાડા વિસ્તારમાં ચોરીના અનેક બનાવો સામે આવતા સ્થાનિકોમાં પોલીસની કામગીરી અંગે સવાલો ઉઠી રહ્યા છે. ખાસ કરીને ઈસરી પોલીસ સ્ટેશનના નાઈટ પેટ્રોલિંગ સામે પણ લોકોમાં અસંતોષ જોવા મળી રહ્યો છે... -- હર્ષ વાઘેલા, મોડાસા મીરર #Modasa #modasacity #marumodasa #modasamirror #aravalli