माडगी शिवारात अवैध रेतीची वाहतूक करणाऱ्या टिप्परवर महसूल विभागाने धडक कारवाई करत ३५ लाख ५४ हजार रुपयांचा मुद्देमाल जप्त केला आहे. तहसीलदार गणेश दिघे यांच्या आदेशानुसार, खनिकर्म विभागाच्या पथकाने माडगी एच.पी. पेट्रोल पंपासमोर टिप्पर क्र. MH 34 BG 3600 पकडला. यामध्ये ९ ब्रास अवैध रेती आढळून आली. याप्रकरणी ग्राम महसूल अधिकारी आशिष कोकोडे यांच्या तक्रारीवरून चालक सत्तार खान व मालक श्यामसुंदर पटले यांच्यासह अन्य एकावर तुमसर पोलीस ठाण्यात गुन्हा (अ.क्र. ८०२/२०२५) दाखल करण्यात आला आहे.