लातूर जिल्ह्यातील औसा, निलंगा, उदगीर आणि अहमदपूर नगरपरिषद निवडणुकीसाठी उमेदवारांची नावे निश्चित झाल्यानंतर आता प्रत्यक्ष राजकीय रणधुमाळीला वेग आला आहे. निवडणुकीचा कार्यक्रम जाहीर झाल्यानुसार उमेदवारी अर्ज दाखल करण्याची अंतिम मुदत १७ नोव्हेंबर तर अर्ज छाननी १८ नोव्हेंबर रोजी पार पडली. माघार घेण्याची अंतिम तारीख २० नोव्हेंबर होती. पुढील २ डिसेंबर २०२५ रोजी मतदान होणार असून ४ डिसेंबरला मतमोजणी पार पडणार आहे.