महाराष्ट्र विधानसभेचे हिवाळी अधिवेशन नागपूर येथे सुरू असून अधिवेशन काळात राज्यातील विविध संघटना आपल्या मागण्यांना घेऊन 8 डिसेंबर पासून आंदोलने उपोषण करत आहेत. अशावेळी एक लोकप्रतिनिधी म्हणून आंदोलकांची भेट घेणे आणि त्यांच्या मागण्या समजून घेणे हे महत्त्वाचे असते. याच अनुषंगाने यशवंत स्टेडियम येथे सुरू असलेल्या समग्र शिक्षा संघर्ष समिती महाराष्ट्र राज्य यांच्या बेमुदत आमरण उपोषण व अन्नत्याग आंदोलनास भेट देऊन आमदार राजकुमार बडोले यांनी त्यांच्या मागण्या जाणून घेतल्या.