लातूर -लातूरकर दिवाळीच्या आनंदात रंगून गेलेल्या आजच्या पाडव्याच्या दिवशी, दुपारी एक वाजण्याच्या दरम्यान लातूरच्या नांदेड रोड भागात असलेल्या माळवाडी मारवाडी स्मशानभूमीच्या समोर घडलेले दृश्य मन हेलावून टाकणारे ठरले. एका अंत्यविधीच्या दरम्यान, परंपरेनुसार मृतदेहाच्या ओटीत अर्पण केलेली थोडी ज्वारी… तीच एक उपाशी माणसासाठी अन्नाचे साधन ठरली.शांत, धूसर वातावरणात विधी सुरू असताना, मागे उभ्या असलेल्या एका माणसाने स्मशानाच्या वेशीवर ठेवलेली ती मूठभर ज्वारी गोळा केली.