કરજણ: કરજણમાં પડી રહેલા વરસાદને પગલે ગુરૂકૃપા સોસાયટી વિસ્તારમાં ઘૂંટણસમાં વરસાદી પાણી ભરાતા સ્થાનિક રહીશો મુશ્કેલીમાં મૂકાયા.
વડોદરા જિલ્લામાં આ સીઝનનો સૌથી વધુ વરસાદ કરજણમાં 6 ઇંચ નોંધાયો છે.ત્યારે રાત્રી દરમિયાન વરસેલા વરસાદને પગલે કરજણ શહેરની ગુરૂકૃપા સોસાયટી વિસ્તારમાં ઘૂંટણસમાં પાણી ભરાઈ જતાં કરજણ નગર પાલિકા તંત્રની પ્રિ મોન્સુન કામગીરીની પોલ ખુલવા પામી હતી.વરસાદની શરૂઆતમાં જ ગુરૂકૃપા સોસાયટી વિસ્તારમાં પાણી ભરાતા સ્થાનિક રહીશોમાં ભારે રોષ જોવા મળ્યો હતો.પાણીના નિકાલ માટે કોઈ યોગ્ય વ્યવસ્થા ન હોય બપોર સુધી સોસાયટી વિસ્તારમાં ભરાયેલું પાણી યથાવત જોવા મળ્યું હતું.