સુરત શહેરમાં હાલમાં પડી રહેલા ભારે વરસાદ અને હવામાન વિભાગ દ્વારા વ્યક્ત કરવામાં આવેલી આગાહીને ધ્યાનમાં રાખીને દરિયા કિનારે નાગરિકોની સુરક્ષા જળવાઈ રહે, કોઈ જાનહાનિ કે અપ્રિય બનાવ ન બને તે માટે સાવચેતીના ભાગરૂપે સુરત શહેર સુરત શહેરના ઇન્ચાર્જ પોલીસ કમિશ્નર શ્રી વાબાંગ જામીરે એક જાહેરનામા દ્વારા ડુમસ બીચ, સુવાલી બીચ અને સી-ફેઝ વિસ્તારમાં લોકોને કિનારે ફરવા તેમજ દરીયાના પાણીમાં જવા પર તાત્કાલિક અસરથી પ્રતિબંધ ફરમાવ્યો છે. આ પ્રતિબંધ આગામી તા.૭/૦૮/૨૦૨૬ સુધી અમલમાં રહેશે. હુકમનો ભંગ કરનાર શિક્ષાને પાત્ર થશે. સરકારી ફરજ અથવા સરકારી કામગીરીમાં રોકાયેલા તમામ સરકારી અને અર્ધ-સરકારી કર્મચારીઓને આ હુકમમાંથી મુક્તિ આપવામાં આવી છે. #krantisamaynews #krantisamay #surat #dumas #suvali