शेतकरी पुत्र यश दिलीप सरडे याची भारतीय सैन्य दलात निवड; मित्र परिवारच्या वतीने सत्कार प्रतिनिधी : राम थोरात तुळजापूर : काक्रंबा येथील शेतकरी कुटुंबातील युवक यश दिलीप सरडे याची भारतीय सैन्य दलात निवड झाल्याने गावासह परिसरात आनंदाचे वातावरण निर्माण झाले आहे. जिद्द, चिकाटी आणि कठोर परिश्रमाच्या बळावर प्रतिकूल परिस्थितीवर मात करत त्याने हे यश संपादन केल्याबद्दल काक्रंबा येथील मित्र परिवारच्या वतीने त्याचा यथोचित सत्कार करण्यात आला. यावेळी उपस्थित मित्र परिवार व ग्रामस्थांनी यश सरडे याचे अभिनंदन करत त्याच्या पुढील कारकिर्दीसाठी शुभेच्छा दिल्या. ग्रामीण भागातील युवकांनी शिक्षणासह स्पर्धा परीक्षा आणि सैन्य भरतीसारख्या क्षेत्रांमध्ये पुढे येऊन यशस्वी होण्याचा आदर्श यश सरडे यांनी निर्माण केला असल्याचे मत उपस्थितांनी व्यक्त केले. सत्कार प्रसंगी बोलताना मान्यवरांनी देशसेवेची संधी मिळणे ही मोठी अभिमानाची बाब असून यश सरडे याने गावाचे नाव उज्ज्वल केले आहे. त्याच्या या यशामुळे परिसरातील इतर युवकांनाही प्रेरणा मिळणार असल्याचे सांगितले. या कार्यक्रमास शिवसेना सोशल मीडिया तालुकाप्रमुख चेतन बंडगर, माजी ग्रामपंचायत सदस्य आप्पाराव म्हेत्रे, ग्रामपंचायत सदस्य सद्दाम मुलाणी, दिलीप बंडगर, सोमनाथ कानडे, दयानंद वाघमारे, शाम सुरवसे, नामदेव झाडे, पप्पू झाडे, पत्रकार राम थोरात, अमित बंडगर, समाधान घोगरे, शुभम घोगरे, आदर्श खंडाळकर यांच्यासह शिवसैनिक आणि ग्रामस्थ मोठ्या संख्येने उपस्थित होते. यावेळी उपस्थितांनी यश सरडे याच्या उज्ज्वल भविष्यासाठी शुभेच्छा देत देशसेवेतही तो उल्लेखनीय कार्य करेल, असा विश्वास व्यक्त केला. #YashSarde #IndianArmy #IndianArmySelection #FarmerSon #ProudMoment #Kakramba #ShivSena #Tuljapur #Dharashiv #YouthInspiration #SuccessStory #VillagePride #ArmyRecruitment #MaharashtraNews #VeerMaharashtraNews #शेतकरीपुत्र #भारतीयसैन्यदल #यशसरडे #काक्रंबा #शिवसेना #तुळजापूर #धाराशिव #युवकांसाठीप्रेरणा #अभिमानास्पदमोमेंट #वीरमहाराष्ट्रन्यूज #देशसेवा #जिद्दआणिचिकाटी #गावाचाअभिमान #सत्कारसमारंभ